Jagdish Patil
कॉकरोच जनता पार्टीकडून आज संसद भवनावर मोर्चा काढण्यात आला.
या मोर्चाला दिल्ली पोलिसांनी परवानगी नाकारली होती.
मात्र, आंदोलकांना केवळ केरळ भवनपर्यंत जाण्याची परवानगी देण्यात आली होती.
तरीही मोठ्या संख्येने कार्यकर्ते आणि तरुण संसद परिसराकडे निघाल्याने तणावपूर्ण वातावरण निर्माण झाले.
आंदोलनात मोठ्या प्रमाणात तरुणांचा सहभाग पाहायला मिळाला.
दरम्यान, CJP चे प्रवक्ते सौरव दास हे भाजप नेते जे. पी. नड्डा यांच्या भेटीसाठी गेल्याची माहिती समोर आली आहे.
यानंतर संसद भवन परिसरात मोठ्या संख्येने आंदोलक जमा झाले. काही आंदोलकांनी बॅरिकेड्स तोडून पुढे जाण्याचा प्रयत्न केला.
त्यामुळे परिस्थिती चिघळताच पोलिसांनी आंदोलकांना रोखण्यासाठी अश्रुधुराच्या नळकांड्यांचा वापर केला.
यावेळी अनेक आंदोलकांना पोलिसांनी ताब्यात घेतले असून काहींना फरपटत नेल्याचे फोटो समोर आले आहेत.
कायदा आणि सुव्यवस्था अबाधित ठेवण्यासाठी संसद परिसरात मोठ्या प्रमाणावर अतिरिक्त पोलीस बंदोबस्त तैनात करण्यात आला आहे.
संसद परिसरातील परिस्थिती नियंत्रणात ठेवण्यासाठी पोलीस सतर्क असून आंदोलनावर बारकाईने लक्ष ठेवले जात आहे.