Rajanand More
नवीन वर्षाचा पहिला दिवस मुख्यमंत्री देवेंद्र फडणवीस यांनी गडचिरोलीमध्ये घालवला. जनजागरण मेळाव्यामध्ये लाडक्या बहिणीने पारंपरिक टोप घालत स्वागत केले.
फडणवीस यांच्यासमोर 11 नक्षलवाद्यांनी आत्मसमर्पण केले. त्यामध्ये जहाल नक्षलवादी तारक्का सिदामचाही समावेश आहे.
देवेंद्र फडणवीस यांनी गडचिरोलीतील गट्टा-गर्देवाडा-तोडगट्टा-वांगेतुरी रस्ता आणि ताडगुडा पुलाची पाहणी केली.
स्वातंत्र्याच्या 75 वर्षांनंतर तयार झालेला आणि 20 पेक्षा अधिक दुर्गम गावांना जोडणारा 32.67 किमीचा रस्ता आणि ताडगुडा पुलाचे लोकार्पण केले. या दुर्गम भागाला भेट देणारे फडणवीस हे पहिले मुख्यमंत्री.
महाराष्ट्र आणि छत्तीसगडला जाण्याचा मार्ग सुकर करणाऱ्या अहेरी-गर्देवाडा बससेवेचा फडणवीस यांच्या हस्ते शुभारंभ करण्यात आला.
मुख्यमंत्री फडणवीस यांचा गडचिरोलीमधील शालेय विद्यार्थ्यांशी मनमोकळा संवाद साधला.
फडणवीस यांच्या हस्ते गडचिरोली पोलिस दलाला 5 बस, 14 चारचाकी मोटारी, 30 मोटारसायकलींचे वितरण करण्यात आले.
संसाराचा गाडा हाकताना 'माझी लाडकी बहीण योजने'च्या माध्यमातून मिळालेल्या रकमेची कशाप्रकारे मदत झाली, हे मुख्यमंत्र्यांनी महिलांकडून जाणून घेतले.
फडणवीस यांच्या हस्ते गडचिरोली स्थित कोनसरी येथे लॉईड मेटल कंपनीच्या विविध प्रकल्पांचे उद्घाटन झाले.