Deepak Kulkarni
महाराष्ट्राचे मुख्यमंत्री देवेंद्र फडणवीस यांच्या पत्नी असलेल्या अमृता फडणवीस यांची ओळख एक माजी प्रसिद्ध बँकर, शास्त्रीय गायिका आणि सामाजिक कार्यकर्त्या आहेत.
अमृता फडणवीस यांचा गुरुवारी (ता.9 एप्रिल) वाढदिवस आहे. या वाढदिवसानिमित्त त्यांच्यावर शुभेच्छांचा वर्षाव सुरू आहे.
अमृता फडणवीस या माहेरचं आडनाव रानडे असून त्यांचा जन्म 9 एप्रिल 1979 रोजी झाला. त्यांनी अर्थशास्त्रात पदव्युत्तर पदवी (MBA) पर्यंतचं शिक्षण घेतलेलं असून 2003 मध्ये मॅनेजमेंट ट्रेनी म्हणून ॲक्सिस बँकेत कारकीर्द सुरू करून, त्यांनी वरिष्ठ उपाध्यक्ष पदापर्यंत मजल मारली होती.
आई अमृता फडणवीसांच्या वाढदिवसादिवशी मुख्यमंत्र्यांची कन्या दिविजाने आईला हटके शुभेच्छा दिल्या आहेत. दिविजाने सोशल मीडियावर आईसाठी एक अतिशय भावनिक पोस्ट लिहिली आहे.
देवेंद्र फडणवीस आणि अमृता फडणवीसांच्या कन्या दिविजाने सोशल मीडियावर आईसाठी एक अतिशय सुरेख व भावनिक पोस्ट लिहिली आहे.
दिविजाकडून सोशल मीडियावरील तिच्या या भावनिक पोस्टसह आईसोबतचे काही अनमोल क्षण आणि खास फोटो शेअर केले आहेत.
दिविजा तिच्या पोस्टमध्ये म्हणते की, मी ओळखत असलेल्या सर्व स्त्रियांमध्ये सर्वांत खंबीर, श्रेष्ठ आणि खऱ्या असलेल्या माझ्या प्रिय आईला वाढदिवसाच्या खूप खूप शुभेच्छा! तू माझी पहिली गुरू आणि माझी आजवरची सर्वांत चांगली मैत्रीण आहेस. तू अनेकांसाठी प्रेरणास्थान आहेस आणि तरीही तू मी पाहिलेली सर्वांत गोड आणि दयाळू व्यक्ती आहेस,असंही दिविजा फडणवीसांनी म्हटलं आहे.
मला तुझी मुलगी असल्याचा खूप अभिमान वाटतो आणि मला आशा आहे की, येणाऱ्या प्रत्येक जन्मात आपली भेट अशीच होत राहो, अशी भावना तिने व्यक्त केली. तसेच घर ही केवळ एक वास्तू नसते; तर ती एक व्यक्ती असते आणि माझ्यासाठी ते घर नेहमीच माझी मम्मा’ राहिल्याचंही मुख्यमंत्र्यांच्या कन्येनं पोस्टमध्ये लिहिलं आहे.