Deepak Kulkarni
देशभरात कॉक्रोच जनता पार्टीनं सोशल मीडियावर मोठा धुमाकूळ घातल्याचं दिसून येत आहे.
सरन्यायाधीशांनी केलेल्या विधानानंतर निर्माण झालेल्या कॉक्रोच जनता पार्टीची तरुणाईमध्ये मोठ्या प्रमाणात क्रेझ आहे.
अभिजीत दिपके या तरुणानं 'सीजीपी'च्या माध्यमातून सोशल मीडियावर जवळपास 21 मिलियन फॉलोअर्स एकत्र जोडले आहेत.
भारतात स्थापन झालेल्या कॉक्रोच जनता पार्टीची चर्चा भारतातच नव्हे,तर जगभरातही होताना दिसून येत आहे. त्याच धर्तीवर आता पाकिस्तानमध्ये कॉक्रोच अवामी पार्टी (CAP) आणि कॉक्रोच अवामी लीग (CAL) ची या नव्या पक्षांची स्थापना करण्यात आली आहे.
नव्या कॉक्रोच पक्षाचे सोशल मीडिया पेज सध्या चर्चेचा विषय ठरत आहे. भारताला नेहमी कॉपी करणाऱ्या पाकिस्तानने आताही तेच केलं आहे.
पाकिस्तानमधील या पार्टीला देखील नागरिकांसह तरुणाईचा मोठा प्रतिसाद मिळताना दिसतोय,कारण झपाट्यानं या पार्टीच्या फॉलोअर्समध्ये वाढ होताना दिसून येत आहे.
सर्वोच्च न्यायालयाचे सरन्यायाधीश सूर्य कांत यांनी तरुणाईला झुरळाची संबोधले होते. यानंतर तरुणाईमध्ये तीव्र संतापाची लाट उसळली होती.
यानंतर पेटलेल्या तरुणपिढीनं नवा इतिहास घडवला आहे. छत्रपती संभाजीनगरच्या अभिजीत दीपके नावाच्या मराठी तरुणानं सरन्यायाधीशांच्या वक्तव्याचा निषेध करण्यासाठी क्रॉकोच जनता पार्टीची स्थापना केली.
सीजीपी हा कोणताही अधिकृत किंवा निवडणूक आयोगाकडे नोंदणीकृत राजकीय पक्ष नसून केवळ तरुणांनी उभी केलेली एक डिजिटल चळवळ आहे.
युवकांचा देश म्हणून ओळखल्या जाणाऱ्या भारतात तरुणांचा अपमानित केलं तर काय होऊ शकतं, याचा प्रत्यय कॉक्रोच जनता पार्टीच्या दिवसागणिक वाढत चाललेल्या डिजिटल चळवळीतून समोर आलं आहे.