Mangesh Mahale
प्रवास शक्य नसल्यास काही विशिष्ट अटींवर कन्फर्म तिकीट कुटुंबातील सदस्याच्या नावावर हस्तांतरित करता येते.
वडील, आई, भाऊ, बहीण, पती, पत्नी, मुलगा किंवा मुलगी अशा कुटुंबातील सदस्याच्या नावावर तिकीट ट्रान्सफर करता येते.
एका कन्फर्म तिकिटावरील प्रवाशाचे नाव केवळ एकदाच बदलता येते.
एकदा नाव बदलल्यानंतर त्याच तिकिटावरील प्रवाशाचे नाव पुन्हा दुसऱ्या व्यक्तीच्या नावावर बदलता येत नाही.
विद्यार्थी आणि लग्नाच्या वरातीच्या ग्रुपमधील एकूण प्रवाशांपैकी जास्तीत जास्त १० टक्के प्रवाशांची नावे बदलता येतात.
प्रवासाच्या श्रेणीनुसार रेल्वे सुटण्याच्या किमान २४ किंवा ४८ तास आधी नाव बदलण्यासाठी लेखी अर्ज करावा.
मूळ कन्फर्म तिकीट, दोन्ही प्रवाशांची ओळखपत्रे आणि त्यांच्यातील नातेसंबंधाचा पुरावा अर्जासोबत जोडावा.
जवळच्या मोठ्या रेल्वे स्थानकावर मुख्य आरक्षण पर्यवेक्षकांकडे अर्ज सादर करावा. कागदपत्रांची पडताळणी झाल्यानंतरच नाव बदलण्याची प्रक्रिया पूर्ण होते.
कन्फर्म तिकीट दुसऱ्या व्यक्तीला थेट देऊन प्रवास करता येत नाही. रेल्वेची अधिकृत परवानगी घेणे आवश्यक आहे.