Rajanand More
दिल्ली विद्यापीठ विद्यार्थी संघटनेच्या (DUSU) 2026 निवडणुकीत अपक्ष उमेदवार दीपांशू शौकीन यांनी उपाध्यक्षपदावर विजय मिळविला आहे. या विजयाची देशभरात चर्चा होत आहे.
निवडणुकीत दीपांशू यांनी सर्वाधिक 30,615 मते मिळवत ABVP, NSUI या मातब्बर विद्यार्थी संघटनांना धूळ चारली. ABVPचे ईशू मौर्य यांना 16,910 मते तर NSUIच्या उमेदवाराला केवळ 4,313 मते मिळाली.
दीपांशू हे मुळचे काँग्रेसची विद्यार्थी संघटना असलेल्या एनएसयूआयचे कार्यकर्ते आहेत. मागील दोन-तीन वर्षांपासून ते या निवडणुकीत एनएसयूआयचा प्रचार करत होते.
यंदाच्या निवडणुकीत दीपांशू यांनी तिकीट मागितले होते. त्यानुसार त्यांचे नाव आघाडीवरही होते. मात्र, अचानक त्यांचे नाव मागे पडले. त्यांना यावेळी तिकीट नाकारण्यात आले.
एनएसयूआयने तिकीट नाकारल्याने त्यांनी माघार न घेता अपक्ष उमेदवार म्हणून निवडणूक लढवण्याचा निर्णय घेतला. त्यांना विद्यापीठातून प्रचंड प्रतिसादही मिळाला.
दिल्लीतील सत्य निकेतन खासगी वसतिगृह दुर्घटनेनंतर दीपांशू यांनी चप्पल घालणे सोडून दिले होते. जोपर्यंत विद्यार्थ्यांचा आवाज बनत नाही, तोपर्यंत चप्पल घालणार नाही, अशी शपथ. १४ दिवस ते चप्पलेविना प्रचार. अखेर विजयी झाल्यानंतर चप्पल घातली.
दीपांशू हे सध्या दिल्ली विद्यापीठाच्या बौद्ध अध्ययन विभागात शिक्षण घेत आहेत. यापूर्वी त्यांनी शहीद भगतसिंग कॉलेजमधून पदवीचे शिक्षण घेतले आहे.
दीपांशू यांचे कुटुंब दिल्लीतच असून त्यांचे वडील बस कंडक्टर तर आई अंगणवाडी कार्यकर्त्या आहेत. कोणतीही राजकीय पार्श्वभूमी किंवा आर्थिक क्षमता नसताना त्यांनी दणदणीत विजय मिळविला.