सरकारनामा ब्यूरो
काँग्रेस नेते अमित देशमुख हे दिवंगत काँग्रेस नेते विलासराव देशमुख यांचे ज्येष्ठ पुत्र आहेत.
वयाच्या २१ व्या वर्षी महाराष्ट्र युवक काँग्रेसमधून राजकीय कारकिर्दीला सुरुवात केली. सध्या महाराष्ट्र विधानसभेत ते लातूर शहर मतदारसंघाचे प्रतिनिधित्व करतात.
अमित हे केमिकल इंजिनिअर असून, मुंबईतील इंजिनिअरिंग कॉलेजमधून बी.ई. केले.
2009 च्या विधानसभा निवडणुकीत काँग्रेसकडून पहिल्यांदाच त्यांनी ही जागा जिंकली होती.
2014 मध्ये त्यांनी पर्यटन, अन्न आणि औषध प्रशासन, उत्पादन शुल्क आणि ऊर्जा राज्यमंत्री म्हणूनही काम केले आहे.
महाराष्ट्राच्या राजकारणातील एक शक्तिशाली नेत्यांचा मुलगा असूनही त्यांनी आपली स्वतंत्र ओळख निर्माण केली आहे.
लातूर मतदारसंघातील लोक त्यांना प्रेमाने 'अमित भय्या' म्हणतात.
राजकारणाव्यतिरिक्त क्रिकेट आणि टेबल टेनिसमध्येही त्यांना प्रचंड रस आहे. कॉलेजच्या दिवसांत या खेळांत ते पटाईत होते.
मराठी रंगभूमी, नाटकं आणि संगीताचीदेखील त्यांना आवड आहे. त्याचबरोबर तंत्रज्ञानाचेही ते चांगले जाणकार आहेत.