Jagdish Patil
मनसे अध्यक्ष राज ठाकरेंच्या पक्षाकडून दरवर्षी दिवाळीनिमित्त दादरच्या शिवाजी पार्क मैदानात दीपोत्सवाचे आयोजन केलं जातं.
मात्र, यंदाचा दीपोत्सव अतिशय खास ठरला कारण या दीपोत्सवाचे उद्घाटन माजी मुख्यमंत्री तथा शिवसेना पक्षप्रमुख उद्धव ठाकरेंच्या हस्ते झालं.
ठाकरे बंधू अनेक वर्षांनी मराठीच्या मुद्द्यावरून एकत्र आल्यामुळे मनसे आणि शिवसैनिकांमध्ये आनंदाचं वातावरण आहे.
अशातच मनसेच्या दीपोत्सवात उद्धव ठाकरे सहकुटुंब एकत्रित आल्यामुळे कार्यकर्त्यांनी मोठा जल्लोष केल्याचं पाहायला मिळालं.
यावेळी उद्धव आणि राज ठाकरेंच्या हस्ते दीपोत्सवाचं उद्घाटन करण्यात आलं. यावेळी संपूर्ण ठाकरे कुटुंबीय हजर होते.
यावेळी आदित्य, अमित, तेजस ठाकरे यांच्यासह राज यांची मुलगी उर्वशी ठाकरे या भावंडानी एकत्रित फोटो काढला.
दीपोत्सवाचं उद्घाटन केल्यानंतर शिवाजी पार्कमधून उद्धव ठाकरेंनी उपस्थितांना दिवाळीच्या शुभेच्छा दिल्या.
दीपोत्सव सोहळा संपन्न झाल्यानंतर दोन्ही ठाकरे बंधू कोणतही भाषण न करताच कार्यक्रम स्थळावरून परतले.
महत्वाची बाब म्हणजे उद्धव आणि राजठाकरे एकाच गाडीतून शिवतीर्थवर दाखल झाले. यावेळी गाडीचं ड्रायव्हिंग राज यांनी केलं.
या दीपोत्सवाच्या उद्घाटन कार्यक्रमामुळे आता दिवाळीत राजकीय फटाके फुटणार यात शंका नाही.