Jagdish Patil
देशाची राजधानी दिल्लीतील लाल किल्ल्याजच्या परिसरात सोमवारी (ता.10) एका कारमध्ये मोठा स्फोट झाला.
मेट्रो स्टेशनच्या गेट क्रमांक 1 जवळून जाणाऱ्या एका कारमध्ये झालेल्या या स्फोटात आतापंतर्य 9 जणांचा मृत्यू तर 24 जण जखमी झालेत.
या स्फोटानंतर मोठी आग भडकली ज्यामध्ये आसपासच्या गाड्या जळून खाक झाल्या आहेत.
या आगीत मेट्रो स्टेशनच्या गेट आणि आजूबाजूच्या काचाही फुटल्याचं समोर आलं आहे. यावरून स्फोटा किती भयंकर होतायाचा अंदाज लावला जात आहे.
तर या स्फोटात अनेकांचे हात-पाय तुटले आहेत, शरीराचे अवयव हवेत उडाल्याचं सांगितलं जात आहे.
दरम्यान, या स्फोटापूर्वीचे काही CCTV फुटेज समोर आलेत ज्यामध्ये I-20 कारमधील व्यक्तीच्या तोंडाला काळा मास्क असल्याचं दिसत आहे.
ही कार स्फोट होण्याआधी सुनहेरी मशीदजवळील पार्किंगमध्ये 3 तास उभी होती.
दिल्लीतील स्फोट दहशतवादी हल्ला असण्याची शक्यता असून सुत्रांच्या माहितीनुसार, उमर मोहम्मद गाडीत होता.
फरीदाबादमधील कारवाईनंतर उमरने दोन साथीदारांसह घाबरून हल्ल्याची योजना आखल्याचं सांगितलं जात आहे.