सरकारनामा ब्यूरो
महायुती सरकारचा शपथविधी सोहळा मुंबईत पार पडला. या शपथविधीत महाराष्ट्राच्या राजकारणात सर्वाधिक वेळा उपमुख्यमंत्रिपदाची शपथ घेणारे अजित पवार एकमेव नेते ठरले आहेत.
या सोहळ्यानंतर मुख्यमंत्री देवेंद्र फडणवीस हे दिल्लीत दोन दिवसीय दौऱ्यावर होते. त्या वेळी त्यांनी अनेक नेत्यांची भेट घेतली होती.
फडणवीस यांच्या पाठोपाठ उपमुख्यमंत्री अजित पवार यांनी देखील दिल्लीत पंतप्रधान नरेंद्र मोदी,अमित शाह यांची भेट घेतली आहे.
नवी दिल्ली येथे अजित पवार यांनी सहकुटुंब पंतप्रधान नरेंद्र मोदी यांची भेट घेतली आहे.
भेटीदरम्यान राज्यातील महायुतीला मिळालेल्या ऐतिहासिक यशासाठी शुभेच्छा दिल्या तसेच महत्त्वाच्या विषयांवर चर्चा करण्यात आली.
देशाचे उपराष्ट्रपती जगदीप धनखड यांची भेट घेतली.
देशाचे केंद्रीय गृहमंत्री अमित शाह यांची दिल्लीत सुनेत्रा पवार यांनी भेट घेतली.
लोकसभा सदस्य सुनील तटकरे, माजी केद्रींय मंत्री प्रफुल पटेल हे देखील या भेटीदरम्यान उपस्थित होते.
भेटीदरम्यान पवार यांनी अमित शाह आणि अन्य नेत्यांबरोबर विविध महत्त्वाच्या विषयांवर सविस्तर चर्चा केली.