सरकारनामा ब्यूरो
अजित पवार यांचे धाकटे सुपुत्र जय पवार यांचा साखरपुडा होणार आहे. फलटणचे उद्योजक प्रवीण पाटील यांच्या कन्या ऋतुजा यांच्याशी त्यांचा विवाह ठरला आहे,
जय पवार हे उच्च शिक्षित असून त्यांना व्यवसायात जास्त रस आहे.
2023 पर्यंत ते कुटुंबियांचा दुबईतील व्यवसाय संभाळत होते. मात्र राष्ट्रवादीत फूट पडल्यानंतर ते बारामतीमध्ये परत आले.
त्यानंतर त्यांनी बारामतीमधील राजकारणात आणि कुटुंबाच्या व्यवसायात लक्ष घातले.
मागील दोन वर्षांपासून जय पवार यांचा बारामतीमधील विविध गोष्टींतील सक्रिय सहभाग वाढला असल्याचे कार्यकर्ते सांगतात.
लोकसभा निवडणुकीवेळी आई सुनेत्रा पवार तर विधानसभा निवडणुकीवेळी वडील अजित पवार यांच्या त्यांनी प्रचारात सक्रिय सहभाग घेतला होता.
बारामतीमध्ये कुस्तीच्या आणि कबड्डीच्या स्पर्धा आयोजित करण्यात, रोजगार मेळावा आयोजित करण्यात त्यांचा पुढाकार असतो.
स्थानिकांच्या माहितीनुसार, जय पवार गुरुवारी जनता दरबार भरवतात. तिथे ते बारामती आणि आसपासच्या लोकांना भेटतात, त्यांच्या समस्या सोडवण्याचा प्रयत्न करतात.
अनेक वेळा ते गुरुवारी लोकांना भेटण्यासाठी गाव भेटीचा दौराही काढतात. समस्यांना अजित पवार यांच्यापर्यंत घेऊन जातात.
जय पवार यांची व्यावसायिक पार्श्वभूमीचा आहे. त्यांची कामाची शैली देखील कॉर्पोरेट आहे. पण ते खूप मृदुभाषी आणि भावनिक आहेत.