Rashmi Mane
UPSC परीक्षा देशातील सर्वात अवघड मानली जाते. या परीक्षेत यश मिळवून आयएएस आणि आयपीएस होण्याचे स्वप्न अनेकजण पाहतात.
कठोर मेहनत आणि चिकाटीने हे स्वप्न पूर्ण करता येते, याचे उत्तम उदाहरण म्हणजे हरियाणातील दिव्या तंवर.
दिव्या यांनी एकदा नाही तर दोनदा यूपीएससी परीक्षा उत्तीर्ण केली आहे. पहिल्याच प्रयत्नात त्यांनी ऑल इंडिया रँक 438 मिळवत 21 व्या वर्षी आयपीएस अधिकारी बनून दाखवले.
त्यानंतर दुसऱ्या प्रयत्नात त्यांनी 2022 मध्ये 105 वा क्रमांक मिळवला आणि आयएएस अधिकारी बनण्याचे स्वप्नही साकार केले.
हरियाणातील महेंद्रगढ जिल्ह्यातील निंबी गाव हे दिव्या तंवर यांचे मूळ गाव आहे. 2011 मध्ये वडिलांचे निधन झाल्यानंतर संपूर्ण जबाबदारी त्यांच्या आईवर आली. आर्थिक अडचणी असूनही आईने शेतमजुरी आणि शिलाईचे काम करून दिव्या यांचे शिक्षण सुरू ठेवले.
दिव्या यांनी आपल्या मेहनतीने कोणतेही कोचिंग क्लासेस न लावता त्यांनी ऑनलाइन क्लासेस, टेस्ट सीरीज आणि मॉक टेस्टद्वारे तयारी केली. हाच त्यांचा यशाचा मंत्र ठरला.
दिव्या यांनी सुरुवातीचे शिक्षण सरकारी शाळेतून घेतले. त्यानंतर जवाहर नवोदय विद्यालयात प्रवेश घेतला आणि पुढे सायन्समधून पदवी पूर्ण केली. त्यानंतर त्यांनी यूपीएससी परीक्षेची तयारी सुरू केली.
कठीण परिस्थिती, कोचिंगशिवाय UPSC तयारी, आणि जिद्द यामुळे दिव्या तंवर आज लाखो विद्यार्थ्यांसाठी प्रेरणा आहेत.