Jagdish Patil
अमेरिकेचे राष्ट्राध्यक्ष डोनाल्ड ट्रम्प यांच्यावर शनिवारी (ता.25) हल्ला करण्यात आला आहे.
वॉशिंग्टनमधील हिल्टन हॉटेलमध्ये झालेल्या हल्ल्यामुळे अमेरिकेत एकच खळबळ उडाली आहे.
हिल्टन हॉटेलमध्ये ट्रम्प ‘व्हाईट हाऊस करस्पाँडंट्स असोसिएसन’च्या डिनर पार्टीसाठी उपस्थित होते.
या पार्टीसाठी ट्रम्प यांच्यासोबत त्यांची पत्नी मेलेनिया ट्रम्प उपराष्ट्राध्यक्ष जे. डी वान्ससह हे देखील होते.
या पार्टीदरम्यान, हल्लेखोराने हॉटेलमध्ये अचानक येऊन गोळीबार केल्याने एकच गोंधळ उडाला.
गोळीबाराचा मोठा आवाज ऐकू येताच काहींनी आरडाओरडा सुरू केला. काहीजण टेबलखाली लपले.
यावेळी सुरक्षारक्षकांनी ट्रम्प आणि मेलेनिया ट्रम्प यांना सुरक्षितपणे तिथून बाहेर काढलं.
दरम्यान, या हल्ल्याप्रकरणी पोलिसांनी कोल टोमस अॅलन नावाच्या व्यक्तीला अटक केली आहे.
हल्ल्यानंतर ट्रम्प यांनी सिक्रेट सर्व्हिस व सुरक्षा दलांनी चांगलं आणि जलद काम केल्याचं म्हणत त्यांचं कौतुक केलं.
या हल्ल्यात इराणचा काहीही संबंध नसल्याचं सांगत, हल्लेखोर एक विकृत व्यक्ती होता असं ट्रम्प म्हणाले.
तर हल्ल्यामुळे रद्द झालेला कार्यक्रम येत्या महिन्याभरात पुन्हा आयोजित केला जाईल असंही ट्रम्प यांनी सांगितलं.