Jagdish Patil
PM नरेंद्र मोदी दोन दिवसीय अमेरिकीच्या दौऱ्यावर होते. यावेळी त्यांनी राष्ट्राध्यक्ष डोनाल्ड ट्रम्प यांची भेट घेतली.
या दोन्ही नेत्यांमध्ये झालेल्या बैठकीत अनेक महत्त्वाच्या मुद्द्यांवर चर्चा झाली.
यामध्ये, तहव्वूर राणाचे भारताकडे प्रत्यार्पण, बांगलादेशबाबत भारताला फ्री हॅन्ड देणं, अशा विविध मुद्यांचा समावेश आहे.
यावेळी विविध चर्चांसह मोदी-ट्रम्प यांच्यातील मैत्रीचा अनोखा अंदाज देखील या भेटी दरम्यान पाहायला मिळाला.
डोनाल्ड ट्रम्प यांनी PM नरेंद्र मोदी व्हाईट हाऊसमध्ये येताच त्यांची गळाभेट घेतली.
या दोन्ही नेत्यांची ही भेट 5 वर्षांनंतर झाली. त्यामुळे यावेळी बोलताना, आम्हाला तुमची खूप आठवण आली, असं ट्रम्प मोदींना म्हणाले.
या बैठकीनंतर ट्रम्प यांनी मोदींना स्वत:चं फोटोबुक 'अवर जर्नी टुगेदर' भेट म्हणून दिलं.
या पुस्तकात त्यांनी स्वत:च्या हाताने मोदींसाठी संदेश लिहिला. ट्रम्प यांनी पंतप्रधान मोदींचा 'मिस्टर प्राईम मिनिस्टर, यू आर ग्रेट'असा उल्लेख केला.