Vijaykumar Dudhale
डॉ. अनिकेत देशमुख हे सांगोल्याचे माजी आमदार (स्व.) गणपतराव देशमुख यांचे नातू होत. ते उच्चविद्याविभूषित आहेत.
शेतकरी कामगार पक्षाचे युवा नेतृत्व डॉ. अनिकेत देशमुख यांनी काही दिवसांपूर्वी ज्येष्ठ नेते शरद पवार यांची भेट घेतली होती. माढा लोकसभा मतदारसंघातून आपल्याला उमेदवारी द्यावी, अशी मागणी त्यांनी पवारांकडे केली होती.
सांगोला मतदारसंघातून डॉ. अनिकेत देशमुख यांनी 2019 मध्ये विधानसभेची निवडणूक आमदार शहाजी पाटील यांच्या विरोधात लढवली होती.
विधानसभेच्या मागील निवडणुकीत डॉ. अनिकेत देशमुख यांचा अवघ्या 764 मतांनी शहाजी पाटील यांच्या विरोधात पराभव झाला होता.
शेतकरी कामगार पक्षाचे ज्येष्ठ नेते जयंत पाटील यांनीही डॉ. अनिकेत देशमुख यांच्यासाठी माढा लोकसभा मतदारसंघाची मागणी पवारांकडे केली होती.
माढा लोकसभा मतदारसंघाची महाविकास आघाडीची स्ट्रॅटेजी ठरविण्यासाठी मोहिते पाटील यांनी ‘शिवरत्न’वर बोलावलेल्या बैठकीला डॉ. अनिकेत देशमुख उपस्थित होते.
महाविकास आघाडीकडून आम्हाला गृहीत धरण्यात येत आहे. आमच्यावर अन्याय होत आहे, असे सांगून डॉ. अनिकेत देशमुख यांनी माढ्यातून लोकसभेची निवडणूक लढविण्याची घोषणा केली होती.
शरद पवार यांच्या भेटीनंतर अवघ्या 24 तासांच्या आतमध्ये डॉ. अनिकेत देशमुख यांचे बंड शांत झाले. डॉ. अनिकेत यांच्यासोबत धैर्यशील मोहिते पाटील हेही पवारांना भेटायला बारामतीला गेले होते. त्या भेटीनंतर त्यांनी माढ्यातून निवडणूक लढविण्याची घोषणा मागे घेतली.
R