Rashmi Mane
झारखंडचे मुख्यमंत्री हेमंत सोरेन तब्बल 40 तासांनंतर हेमंत सोरेन आज दुपारच्या सुमारास रांचीला परतले.
सोमवारी झारखंडचे मुख्यमंत्री हेमंत सोरेन यांच्या दिल्लीतील निवासस्थानावर ईडीने छापा टाकला होता.
या छाप्यादरम्यान झारखंडचे मुख्यमंत्री हेमंत सोरेन घटनास्थळी आढळले नाहीत, परंतु ईडीच्या पथकाने बंगल्यातून मोठी रोकड जप्त केली आहे.
हेमंत सोरेन यांच्या बंगल्यातून 36 लाख रुपये रोख जप्त करण्यात आले असून, दोन आलिशान कारही जप्त करण्यात आल्या आहेत.
हेमंत सोरेन यांच्या दिल्लीतील बंगल्यावर ईडीने छापा टाकला आणि सुमारे 13 तास ईडीची टीम बंगल्यात हजर होती. ईडीने काही महत्त्वाची कागदपत्रे जप्त केली आहेत.
झारखंडमधील जमीन घोटाळ्याशी संबंधित कथित मनी लॉन्ड्रिंग प्रकरणात चौकशीसाठी ईडीचे पथक हेमंत सोरेन यांच्या बंगल्यावर पोहोचले होते.