Vijaykumar Dudhale
पंतप्रधान नरेंद्र मोदी यांना उत्तर प्रदेशमधील वाराणसीतून काँग्रेस पक्षाकडून अजय राय लढत देत आहेत.
हिमाचल प्रदेशमधील हमीरपूरमध्ये केंद्रीय मंत्री अनुराग ठाकूर यांच्या विरोधात काँग्रेसकडून सतपाल रायजादा हे निवडणूक लढवत आहेत.
उत्तर प्रदेशमधील मिर्झापूर लोकसभा मतदारसंघातून अपना दलाच्या अनुप्रिया पटेल यांना समाजवादी पक्षाच्या रमेश बिंद यांनी आव्हान दिले आहे.
भाजपचे ज्येष्ठ नेते रविशंकर प्रसाद यांना बिहारमधील पाटणासाहीब मतदारसंघातून काँग्रेसचे अंशुल अविजित लढत देत आहेत.
चंडीगडमधून काँग्रेस नेते मनीष तिवारी यांच्या विरोधात भाजपचे संजय टंडन यांनी दंड थोपटले आहेत.
हिमाचल प्रदेशच्या मंडी लोकसभा मतदारसंघातून अभिनेत्री कंगना रनोट राजकीय क्षेत्रात नशीब अजमावत आहे. तिच्या विरोधात काँग्रेसकडून विक्रमादित्य सिंह निवडणूक लढवत आहेत.
बिहारमधील पाटलीपूत्र मतदारसंघातून लालूप्रसाद यादव यांच्या कन्या मिसा भारती राष्ट्रीय जनता दलाकडून निवडणूक लढवत आहेत. त्यांच्या विरोधात भाजपकडून रामकृपाल यादव उभे आहेत.
भोजपुरी अभिनेते,, भाजपचे रवी किशन यांच्या विरोधात गोरखपूरमध्ये भोजपुरी अभिनेत्री काजल निषाद समाजवादी पक्षाकडून लोकसभेच्या रिंगणात उतरल्या आहेत