Sunil Balasaheb Dhumal
लोकसभा निवडणुकीनंतर महायुतीत आरोप-प्रत्यारोपांच्या फैरी सुरू झाल्या.
त्याचा धुरळा बसतो न बसतो तोच बीडमधील शिंदे गटाच्या जिल्हाप्रमुख कुंडलिक खांडे यांची ध्वनीफित व्हायरल झाली.
या ऑडिओ क्लिपमध्ये खांडे यांनी भाजपच्या पंकजा मुंडेंना पहिल्यांदाच धोका दिल्याचा दावा केला.
लोकसभा निवडणुकीत पंकजा मुंडेंऐवजी शरद पवार गटाचे बजरंग सोनवणेंचे काम केल्याचे म्हटले आहे.
खांडे यांनी या संभाषणात कृषीमंत्री धनंजय मुंडे यांच्यावरही टीका केली.
या ध्वनीफितीनंतर भाजपच्या कार्यकर्त्यांनी खांडेंच्या कार्यालयाची तोडफोड केली.
या प्रकारानंतर खांडेंनी सर्व आरोप फेटाळले आहेत. या ध्वनीफितीतून बदनामी सुरू असल्याचा आरोप त्यांनी केला.
मी विस्थापित कुटुंबातून पुढे आलेलो आहे. आजपर्यंत दोषयुक्त राजकारण केले नसल्याचे खांडे म्हणाले.