Hrishikesh Nalagune
स्टँडअप कॉमेडियन कुणाल कामरा पुन्हा एकदा वादाच्या भोवऱ्यात सापडला आहे.
एका कॉमेडी शोमध्ये, महाराष्ट्राचे उपमुख्यमंत्री एकनाथ शिंदे यांच्यावर एक व्यंगात्मक गाणं सादर केल्याने शिवसेना आक्रमक झाली आहे.
शिवसैनिकांनी कुणाल कामराच्या स्टुडिओची तोडफोड केली आहे. तसेच त्याच्याविरुद्ध गुन्हाही दाखल झाला आहे.
कुणाल कामरा याने 2017 पासून युट्यूब चॅनेलच्या माध्यमातून मुलाखती घेण्यास सुरुवात केली होती.
ज्येष्ठ पत्रकार रवीश कुमार, दिल्लीचे माजी मुख्यमंत्री अरविंद केजरवील, कन्हैय्या कुमार, जिग्नेश मेवानी अशा व्यक्तींच्या मुलाखती त्याने घेतल्या होत्या.
त्यानंतर त्याने 'शटअप कुणाल' हा कॉमेडी शो सुरु केला होता. या शोमुळेच त्याला सर्वात जास्त प्रसिद्ध मिळाली होती.
यापूर्वी पंतप्रधान नरेंद्र मोदी आणि गृहमंत्री अमित शाह यांच्यावर टीका केल्यामुळेही कुणाल कामरा वादात सापडला होता.
2020 मध्ये एकाच फ्लाईटमधून प्रवास करताना पत्रकार अर्णब गोस्वामी याच्याबरोबरही कुणाल कामराचा वाद झाल होता.
त्यानंतर इंडिगो, एअर इंडिया, गो एअर आणि स्पाईसजेटने कुणाल कामराच्या विमान प्रवासावर सहा महिन्यांसाठी बंदी घातली होती.
कुणाल कामराच्या युट्यूब चॅनेलचे 2.31 मिलियन सबस्क्राईबर्स आहेत. तर इन्स्टाग्रामवर त्याचे एक मिलिअन फॉलोवर्स आहेत.