Amol Sutar
सातारा जिल्ह्यातील जावळी तालुक्यातील मुनावळे येथे कोयना जलाशय तीर येथे कोयना जल पर्यटन शुभारंभ मुख्यमंत्री एकनाथ शिंदे यांच्या हस्ते झाला.
ज्येष्ठ सिनेअभिनेते पद्मश्री नाना पाटेकर यांच्या उपस्थितीने सगळ्यांचे लक्ष वेधले. तसेच उदय सामंत, शंभूराज देसाई, शिवेंद्रसिंहराजे भोसले, जिल्हाधिकारी जितेंद्र डुडी हेही उपस्थित होते.
जल पर्यटनाच्या माध्यमातून स्थानिक अर्थव्यवस्था वृद्धिंगत करण्यास आणि स्थानिकांना रोजगाराच्या संधी निर्माण करण्यास मोठा वाव आहे, असे ते मुख्यमंत्री म्हणाले.
स्थानिक बोट व्यावसायिकांना बोट खरेदीसाठी अण्णासाहेब पाटील आर्थिक विकास महामंडळाच्या माध्यमातून बिनव्याजी कर्ज उपलब्ध करून देण्यात येईल, असे त्यांनी सांगितले.
मौजे दरे येथील बांबू मूल्यवर्धन केंद्र आणि टसर रेशीम शाश्वत रोजगार व वनसंवर्धन प्रकल्पाचे लोकार्पण व गाळमुक्त धरण, गाळयुक्त शिवार योजनेचा शुभारंभ करत त्यांनी बांबू लागवड केली.
बांबूची कलाकृती
यावेळी स्थानिकांनी बांबूपासूव बनविलेल्या कलाकृतींनी मुख्यमंत्र्यांचे लक्ष वेधून घेतले.
1 लाख 37 हजार कोटीचे प्रकल्पांचे दावस येथील उद्योग परिषदेमध्ये करार झाले आहेत. 3 लाख 93 हजार कोटींचे उद्योग राज्यात येत आहेत, असे मुख्यमंत्र्यांनी सांगितले.