Jagdish Patil
उपमुख्यमंत्री एकनाथ शिंदे सध्या लंडन दौऱ्यावर असून, ब्रिटिश संसदेत त्यांचा सन्मान करण्यात आला.
‘हाऊस ऑफ लॉर्ड्स’मध्ये एकनाथ शिंदेंच्या कार्याचा गौरव म्हणून त्यांना मानाचे 2 पुरस्कार दिले गेले.
‘कॉमनवेल्थ पब्लिक लीडरशिप रिकग्निशन’ या पुरस्काराने एकनाथ शिंदेंचा गौरव करण्यात आला.
यूके एशियन बिझनेस कौन्सिल आणि ‘कॅनव्हास फॉर केअर क्रिएटिव्ह आर्ट कॅम्पस’ यांच्या संयुक्त विद्यमाने हा सोहळा आयोजित करण्यात आला होता.
मुख्यमंत्री आणि उपमुख्यमंत्री म्हणून त्यांनी राबविलेल्या नागरिककेंद्री, पारदर्शक आणि नाविन्यपूर्ण प्रशासनाची दखल घेत हा सन्मान देण्यात आला.
‘मुख्यमंत्री माझी लाडकी बहीण योजना’, ‘शासन आपल्या दारी’ आणि ‘मुख्यमंत्री युवा कार्य प्रशिक्षण योजना’ यांचा विशेष उल्लेख करण्यात आला.
महिलांचे आर्थिक सक्षमीकरण, नागरिकांना थेट शासकीय सेवा आणि तरुणांना रोजगाराचा प्रत्यक्ष अनुभव देण्याच्या योजनांची दखल घेण्यात आली.
तर हा पुरस्कार मला प्रदान होताच सभागृहात 'जय हिंद, जय महाराष्ट्र'चा गजर झाल्याचं एकनाथ शिंदेंनी सांगितलं.
या सोहळ्याला उत्तर आयर्लंडच्या माजी फर्स्ट मिनिस्टर आर्लेन फॉस्टर, यूके एशियन बिझनेस कौन्सिलचे चेअरमन अँड्र्यू ग्रोकॉक यांच्यासह विविध मान्यवर उपस्थित होते.