Akshay Sabale
राजकीय दबावाला बळी पडू नका, कुणालाही पाठीशी घालू नका, असे आदेश मुख्यमंत्री एकनाथ शिंदे यांनी पोलिस आयुक्त अमितेश कुमार यांना दिले आहेत.
संजय राऊत म्हणाले, पुण्याच्या पोलिस आयुक्तांना बडतर्फ करायला हवं. त्यांनी आरोपीला वाचवण्याचा प्रयत्न केला आहे.
या भीषण अपघातात एक तरुण आणि तरुणी अशा दोघांचा मृत्यू झाला आहे. यानंतरही केवळ दोनच तासात आरोपीला जामीन मंजूर झाला, अशी संतप्त प्रतिक्रिया राऊतांनी दिली आहे.
विजय वडेट्टीवार यांनी म्हटलं, पुणे अपघातातील आरोपीची अल्कोहोल चाचणी निगेटिव्ह आली आहे. त्यामुळे पोलिसांच्या तपासावर प्रश्न चिन्ह उपस्थित होत आहे.
अल्पवयीन आरोपीला मद्य कसे उपलब्ध झाले? नोंदणी नसलेली गाडी पुण्यातील रस्त्यावर कशी आली? नियम डावलून बार आणि पब सुरू होते का? असे सवाल वडेट्टीवारांनी उपस्थित केले.
या प्रश्नांचा तपास न करता आरोपीला निर्दोष सिद्ध करण्यासाठी जणू पुणे पोलिसांचा तपास असल्याचे चित्र आहे, अशी टीका वडेट्टीवार यांनी केली.
आमदार रवींद्र धंगेकर म्हणाले, पुणेकरांच्या दबावापुढे पोलिस प्रशासन नमलं. तत्परता दाखवत विशाल अग्रवाल यांना अटक केली. पण, यानं प्रकरण थांबणार नाही.
येरवडा पोलिस ठाण्याचे निरीक्षक आणि तपास अधिकाऱ्यांवर गुन्हे दाखल झाले पाहिजेत.
मोठा आर्थिक व्यवहार झाल्यानंतर तपासात दिरंगाई करत सर्व आरोपीस मदत होईल, असाच तपास पोलिसांनी केला आहे, असा आरोप रवींद्र धंगेकरांनी केला आहे.