Rajanand More
ओडिशाचे मुख्य निवडणूक अधिकारी म्हणजेच CEO आर. एस. गोपालन यांनी स्वेच्छानिवृत्तीचा निर्णय घेतला आहे. तसा अर्ज त्यांनी ३० सप्टेंबर रोजी दिला आहे.
गोपालन हे २००१ च्या तुकडीचे IAS अधिकारी असून विविध पदांवर २५ वर्षे सेवा केली आहे. त्यांच्या अचानक निवृत्तीच्या निर्णयाने चर्चांना उधाण आले आहे.
केंद्रीय निवडणूक आयोगाच्या आयुक्तांमधील कथित मतभेदांचा मुद्दा चांगलाचा तापला आहे. विरोधकांकडून एसआयआरवरून मुख्य निवडणूक आयुक्त ज्ञानेश कुमार यांच्या राजीनाम्याची मागणी केली जात आहे.
ओडिशामध्येही एसआयआर प्रक्रिया पूर्ण झाली असून बिजू जनता दल व काँग्रेसने लाखो मतदार वगळल्यावरून आयोगावर निशाणा साधला आहे.
SIR प्रक्रियेवरून निर्माण झालेला वाद, विरोधकांचा आरोप याचा आपल्या स्वेच्छानिवृत्तीशी काही संबंध नसल्याचे गोपालन यांनी सांगितले आहे.
स्वेच्छानिवृत्तीमागे वैयक्तिक कारण असल्याचे गोपालन यांनी म्हटले आहे. सरकारी सेवेला २ सप्टेंबर रोजी २५ वर्षे पूर्ण झाल्यामुळे हा निर्णय घेतल्याचे त्यांनी स्पष्ट केले आहे.
गोपालन हे जून २०२८ मध्ये नियमितपणे सेवानिवृत्त होणार होते. मात्र, राज्यातील एसआयआर प्रक्रिया पूर्ण झाल्यानंतर आठवडाभरातच त्यांनी स्वेच्छानिवृत्तीचा अर्ज केला.
स्वेच्छानिवृत्तीच्या गोपालन यांच्या निर्णयाचे पडसाद उमटू लागले आहेत. सोशल मीडियातही त्याची बरीच चर्चा होत असून तर्कवितर्क लढविले जात आहेत.