सरकारनामा ब्यूरो
1989 बॅचच्या सुप्रिया साहू या उत्तर प्रदेशच्या आहेत. लहानपणापासूनच त्या अभ्यासात अत्यंत हुशार होत्या.
हुशारीने आणि तर्काने केलेल्या स्मार्ट कामाने साहू यांना नेहमीच यश मिळत गेले.
लखनौ विद्यापीठातून त्यांनी पदवीचे शिक्षण घेतले आणि बॉटनी विषयातून पदव्युत्तर पदवी प्राप्त केली.
पहिली पोस्टिंग तामिळनाडू केडरमध्ये अतिरिक्त जिल्हाधिकारी म्हणून होती. नंतर तिथेच मुख्य कार्यकारी अवर सचिव म्हणून त्यांची नियुक्ती करण्यात आली.
त्या एक पर्यावरण कार्यकर्त्या असून त्यातील उल्लेखनीय कामगिरीसाठी त्यांनी गिनीज वर्ल्ड रेकॉर्ड मिळवला आहे.
साहू या एक लोकप्रिय पर्यावरणप्रेमी अधिकारी आहेत ज्यांनी तमिळनाडूच्या निलगिरीची देखरेख केली.
जिल्ह्यातील प्लास्टिक बंदीसाठी त्यांनी ऑपरेशन ब्लू माऊंटन सुरू केले. या कामाचे राष्ट्रीय आणि आंतरराष्ट्रीय स्तरावर कौतुक झाले.
साहू यांच्या प्रयत्नांमुळे निलगिरीतील नद्या आणि झरे स्वच्छ झाली. त्यांच्या नेतृत्वाखाली 42 हजारांहून जास्त झाडे लावून गिनीज वर्ल्ड रेकॉर्ड केला.
सुप्रिया साहू यांनी प्रत्येक जबाबदारी चोख पार पाडत विविध पदे भूषवली आणि समाजकल्याणासाठी कायम कार्य करत आहेत.