Jagdish Patil
EPFO च्या सर्व सेवांसाठी वारंवार लॉगिन करण्याची गरज नाही. कारण एकाच लॉगिनमध्ये पासबुक, क्लेम आणि ट्रांसफरची सुविधा एकाच पोर्टलवर उपलब्ध झाल्या आहेत.
EPFOने 'पासबुक लाईट' फीचर लाँच केले आहे, जे काही क्षणात तुमचा पीएफ बॅलन्स आणि ट्रांजेक्शनची सर्व माहिती देतो.
याआधी तुमच्या पीएफ पासबुक पाहण्यासाठी स्वतंत्र पोर्टल आणि पासवर्डची आवश्यकता होती.
ज्यामुळे लॉगिन करणे अनेकदा त्रासदायक ठरायचे. मात्र, आता सर्व सुविधा एकाच ठिकाणी उपलब्ध होणार आहेत.
जर एखाद्या कर्मचाऱ्याला संपूर्ण माहितीचा ग्राफ पाहायचा असेल, तर जुने पासबुक पोर्टल देखील उपलब्ध असणार आहे. त्यामुळे तुमच्याकडे 2 पर्याय उपलब्ध असतील.
नोकरी बदलल्यावर PF ट्रान्सफर करणं पुर्वीपेक्षा जलद आणि सोपे होईल. Annexure K सारखी महत्त्वाची कागदपत्रेही आता ऑनलाइन पोर्टलवर मिळतील.
कर्मचारी आता त्यांच्या स्वतःच्या लॉगिनद्वारे त्यांच्या पीएफ ट्रान्सफरची स्थिती ट्रॅक करू शकतात. यामुळे पारदर्शकता वाढेल.
EPFO ने दाव्यांची प्रक्रिया जलद केली आहे. दावे आता मंजुरीसाठी उच्च अधिकाऱ्यांकडे पाठवण्याची आवश्यकता नाही, ज्यामुळे प्रक्रियेतील वेळ कमी होईल.