Rashmi Mane
कर्मचारी भविष्य निधी संघटनेने (EPFO) पीएफ खात्यातील रक्कम काढण्याच्या नियमांमध्ये मोठा बदल केला आहे. आता लग्नासारख्या वैयक्तिक कारणांसाठी 100% रक्कम काढण्याची मुभा मिळाली आहे.
आता तुम्ही स्वतःचे, मुलांचे किंवा भाऊ-बहिणींच्या लग्नासाठी पीएफमधील संपूर्ण रक्कम काढू शकता. भारतात लग्नावर होणारा 5 ते 20 लाखांचा खर्च लक्षात घेता हा निर्णय अनेकांसाठी दिलासा देणारा आहे.
पूर्वी गरजेच्या प्रसंगी PF मधून पैसे काढण्याची मर्यादा केवळ 3 वेळा होती.
नवीन नियमांनुसार PF खातेदार 5 वेळा अशी रक्कम काढू शकतील.
100% रक्कम काढण्याची मुभा असली तरी खात्यात किमान 25% रक्कम शिल्लक ठेवणे बंधनकारक आहे, जेणेकरून खाते सक्रिय राहील आणि त्यावर व्याज मिळत राहील.
या रक्कमेसाठी किमान 5 वर्षे नोकरी आवश्यक होती. आता हा काळ फक्त 12 महिने केला आहे. म्हणजेच एका वर्षाच्या सेवेनंतरही लग्न, शिक्षण, घर किंवा उपचारासाठी PF अॅडव्हान्स मिळू शकतो.
PF काढण्यासाठी EPFO च्या वेबसाइटवर जा:
unifiedportal-mem.epfindia.gov.in
तुमचा UAN, पासवर्ड आणि कॅप्चा भरून Login करा.
Login केल्यानंतर ‘Online Services’ वर क्लिक करा, त्यानंतर ‘Claim Form – 31, 19, 10C & 10D’ हा पर्याय निवडा.
Form 31 निवडा आणि ड्रॉपडाउनमध्ये Marriage हा पर्याय क्लिक करा. लग्नाचं निमंत्रण पत्र स्कॅन करून अपलोड करा. त्यानंतर नियम स्वीकारून अर्ज सबमिट करा.
तुमचा अर्ज ऑनलाइन सबमिट होताच EPFO कडून तपासणी केली जाते. सर्व माहिती बरोबर असल्यास PF रक्कम थेट बँक खात्यात जमा केली जाते. लग्नासारख्या मोठ्या खर्चासाठी ही सुविधा खूप उपयोगी ठरणार आहे.