Deepak Kulkarni
गेल्या काही दिवसांपासून इराण आणि इस्रायलमध्ये युद्धाचा भडका उडाला आहे.
युध्दाचा बुधवारी 12 वा दिवस होता. या युध्दाच्या काळात इराण विरुद्ध अमेरिका-इस्त्रायल संघर्ष टोकाला पोहोचला आहे.
या संकटकाळात अनेक देशांचे नागरिक हे युद्धभूमीत अडकून पडले आहेत. त्यांना सुखरुप परत आणण्यासाठी युद्धपातळीवर प्रयत्न सुरू केले आहेत.
इराण आणि इस्रायलमधील भडकलेल्या युद्धामुळे आखाती देशांमध्ये भीतीचे वातावरण आहे. याच काळात एअर इंडिया एक्सप्रेसच्या या लेडी पायलटनं जीवाची बाजी लावत मोठी मोहीम फत्ते केली आहे.
जबरदस्त धैर्य दाखवलेली ही लेडी पायलट म्हणजे फरिदाबादची लेक दीपिका अधाना आहे.
दीपिकानं युएईमध्ये अडकलेल्या 169 भारतीय प्रवाशांना सुखरूप मायदेशी परत आणण्याची कौतुकास्पद कामगिरी यशस्वीरित्या पार पडली.
सर्वात महत्त्वाची गोष्ट म्हणजे ही सर्व मोहीम महिला क्रू मेंबर्सनी यशस्वी केली. घरातून बाहेर पडताना दीपिकाने आपल्या आईला, मी परत येईन की नाही माहीत नाही, पण मला जावं लागेल असं शब्द उच्चारले अन् सर्वांच्याच काळजाचा ठोका चुकला.
दीपिका अधानाला 6 मार्च रोजी सकाळी तिला रॅस अल खैमाह येथे बचाव मोहिमेसाठी जायचे असल्याचा निरोप मिळाला. अचानक ड्युटी बदलली आणि अवघ्या 2 तासांत ती या कठीण मोहिमेसाठी तयार झाली.