Pradeep Pendhare
खासदार नीलेश लंके यांनी कांदा आणि दुधाला भाववाढी पुकारलेल्या जनआक्रोश आंदोलनाचा तिसरा दिवस शेतकऱ्यांनी काढलेल्या ट्रॅक्टर मोर्चानं गाजला.
नगर शहरातील मार्केटपासून मोर्चाला सुरवात झाली. राष्ट्रवादी काँग्रेस शरद पवार पक्ष, काँग्रेस, शिवसेना उद्धव ठाकरे पक्षासह महाविकास आघाडीतील सर्व घटक पक्ष सहभागी झाले होते.
ट्रॅक्टर मोर्चामुळे पोलिसांचा बंदोबस्त वाढवण्यात आला होता. शहरातील प्रत्येक चौकात फिक्स पाॅईंट पोलिसांनी लावले होते.
खासदार नीलेश लंके यांच्या पत्नी राणी लंके या देखील ट्रॅक्टर चालवत मोर्चात सहभागी झाल्या होत्या.
जिल्हाधिकारी कार्यालयाकडे येणारा रस्ता ट्रॅक्टरांमुळे जाम झाला होता. ट्रॅक्टरची संख्या जास्त असल्याने औरंगाबाद महामार्गावर ट्रॅक्टर उभे होते.
आंदोलनात शेकडो वृद्ध शेतकरी सहभागी झाले होते. दिंडी समोर जात असताना मोर्चातील शेतकऱ्यांनी वारकऱ्यांचे अभिवादन केले.
आंदोलन सुरू झाल्यापासून खासदार नीलेश लंके जिल्हाधिकारी कार्यालयसमोर तळ ठोकून आहेत. तिथे उभारलेल्या मंडपात ते कार्यकर्त्यांसमवेत झोपत आहेत.
आंदोलनाच तिसरा दिवस असून जिल्हाधिकारी कार्यालयाच्या प्रवेशद्वारावर शेतकऱ्यांनी त्यांची पाळीव जनावरं बांधली होती. तसेच शेतातील औजारे देखील ट्रॅक्टरसह उभी होती.