सरकारनामा ब्यूरो
भाजपचे दिवंगत नेते अरुण जेटली हे लहानपणापासूनच अतिशय हुशार होते. शालेय जीवनात त्यांना अनेक शैक्षणिक पुरस्कारांनी गौरविण्यात आले होते.
नवी दिल्लीच्या सेंट झेवियर्स स्कूल येथून सुरुवातीचे शिक्षण घेऊन, श्री राम कॉलेज ऑफ कॉमर्समधून बी.कॉम केले. दिल्ली विद्यापीठातून त्यांनी कायद्याची पदवी घेतली.
राजकीय अनुभवाचा उपयोग करून त्यांनी पक्षासाठी आणि केंद्र सरकारमध्ये महत्त्वाची भूमिका निभावली होती.
कठीण काळात पक्ष आणि सरकारला कायदेशीर गुंतागुंतीतून बाहेर काढण्यातही त्यांनी मोलाची भूमिका पार पाडली.
उत्तर प्रदेश राज्यसभेचे चारवेळा खासदार म्हणून निवडून आलेले जेटली यांनी अर्थमंत्री आणि संरक्षण मंत्रिपदाची जबाबदारीही उत्तमरित्या पार पाडली.
अटलबिहारी वाजपेयी आणि लालकृष्ण अडवाणी या दोघांच्या आवडत्या राजकारण्यांपैकी असलेले अरुण जेटली हे नरेंद्र मोदी आणि अमित शाह यांच्याही जवळचे होते.
आणीबाणीच्या काळात इंदिरा गांधी सरकारविरोधातील आंदोलनात जेटलींनी सक्रिय सहभाग घेतला होता. त्यावेळी ते भारतीय जनता युवा मोर्चाचे समन्वयक म्हणून जबाबदारी पार पाडली.
1974 मध्ये डीयूच्या विद्यार्थी संघटनेचे अध्यक्ष असलेले अरुण जेटली यांची दिल्ली विद्यापीठातून राजकीय कारकीर्द सुरू झाली होती.
राजकारणाची उत्तम जाण असल्याने त्यांना 1999 च्या लोकसभा निवडणुकीपूर्वी भाजपचे राष्ट्रीय प्रवक्ते करण्यात आले होते.