Pradeep Pendhare
रस्ते, मार्ग, गल्ल्या, पदपथ यांसह सार्वजनिक ठिकाणी फटाके फोडण्यास मनाई असणार आहे.
रुग्णालये, शैक्षणिक संस्था, शासकीय कार्यालय आणि न्यायालयांपासून 100 मीटर परिसरात फटाके फोडण्यास मनाई असणार आहे.
ध्वनी प्रदूषण नियमानुसार आवाज करणारे फटाके रात्री दहा वाजल्यापासून पहाटे सहा वाजेपर्यंत फटाके फोडण्यास मनाई आहे.
खासगी जागांमध्ये सोसायटींच्या आवारात मर्यादांचे पालन करून फटाके फोडता येणार आहे.
कमी आवाज, कमी प्रदूषण करणारे हरित फटाके वापरण्यावर भर द्यावा. फटाके विहित वेळेतच फोडावेत.
फटाके फोडताना नियम भंग केल्यास उच्च न्यायालयानुसार, ध्वनी प्रदूषण नियम, पर्यावरण अधिनियम, भारतीय न्याय संहिता आणि स्फोटक पदार्थ अधिनियमानुसार कारवाई होईल.
फटाक्यांमुळे हवेत विषारी जड वायू आणि हानिकारक वायू मिसळतो. त्यामुळे ध्वनी आणि वायू प्रदूषण टाळण्यासाठी, फटाके फोडणे टाळण्याचे आवाहन करण्यात आले आहे.
भारतीय संविधानानुसार पर्यावरणाचे संरक्षण करणे नागरिकांचे मूलभूत कर्तव्य आहे. त्यामुळे शांततापूर्ण आणि स्वच्छ पद्धतीने दिवाळी साजरी करण्याचे आवाहन करण्यात आले आहे.
फटाक्यांमुळे ध्वनी अन् वायू प्रदूषणाचे उल्लंघन होत असल्यास MPCB हेल्पलाइनवर 7045113344 / 7045113322, मुख्य कार्यालय मुंबई- 022-67808888 किंवा 022-24020781 / 022-24014701 / 022-24010437 संपर्क साधावा.