Aslam Shanedivan
त्रिपुराच्या धलाई जिल्ह्यातील दुर्गम गावात राहणारे रेबती त्रिपुरा यांनी राजकारणाला राम राम करत आपल्या दुसऱ्या इनिंगला सुरूवात केली आहे.
माजी खासदार असणारे भाजपचे नेते रेबती त्रिपुरा यांनी पुन्हा एकदा शिक्षक म्हणून नोकरी सुरू केलीय.
रेबती त्रिपुरा हे २००१ मध्ये आगरताळाच्या महात्मा गांधी मेमोरियल स्कूलमध्ये शिक्षक म्हणून काम करत होते.
२०१४ मध्ये त्यांनी भाजपमध्ये प्रवेश केला आणि २०१९ मध्ये लोकसभा निवडणुकीत ते पूर्व त्रिपूरा मतदारसंघातून खासदार बनले.
पण रेबती यांना हे यश टिकवता आले नाही. त्यांचे २०२४ च्या लोकसभा निवडणुकीत भाजपच्या यादीतून नाव कापले गेले.
रेबती यांच्या ऐवजी राजघराण्यातील टिपरा मोथा पार्टीचे प्रमुख प्रद्योत किशोर देववर्मा यांची बहीण कृति देवी देववर्मन यांना तिकीट देण्यात आलं
ते भाजपच्या त्रिपुरा प्रदेश कोअर कमिटीचे सदस्य होते. मात्र त्यानंतर ते राजकारणात सक्रीय न राहिल्याने कोअर कमिटीतूनहीनाव गायब झालं.
त्यांनी पुन्हा शिक्षकी पेशा स्विकारला असून सध्या माझ्याकडे राजकीय जबाबदारी नसल्यानं सरकारी शाळेत पुन्हा परतण्याचा निर्णय घेतल्याचे त्यांनी म्हटले आहे.
किमान या नोकरीतून निवृत्तीनंतर मिळणारे लाभ आणि किमान ५० हजार रुपये निवृत्तीवेतनही मिळेल असे त्यांनी म्हटलं आहे.