सरकारनामा ब्यूरो
'पद्मभूषण' नाकारणारे ज्येष्ठ राजकारणी बुद्धदेव भट्टाचार्जी, हे कम्युनिस्ट पक्ष नेते तसेच पश्चिम बंगालचे सातवे मुख्यमंत्री आहेत.
कोलकाताच्या भट्टाचार्जी यांनी पश्चिम बंगालच्या शैलेंद्र सरकार विद्यालयातून शालेय शिक्षण तसेच प्रेसिडन्सी काॅलेजमधून बंगाली भाषेत पदवीचे शिक्षण घेतले.
स्वभावाने क्रांतिकारक असल्याने 1966 मध्ये कम्युनिस्ट पार्टीतून त्यांनी राजकारणात प्रवेश केला.
1977 मध्ये पहिल्यांदाच उत्तर कोलकाताच्या कोसीपूर येथून त्यांची आमदार म्हणून निवड झाली.
त्यांच्या या विजयानंतर पश्चिम बंगालमध्ये कम्युनिस्ट पार्टीची सत्ता आली होती.
1982 च्या निवडणुकीत ते पराभूत झाले. मात्र, पाच वर्षांनंतर जाधवपूर मतदारसंघातून त्यांनी पुन्हा विजय मिळवला.
1987 मध्ये मंत्रिमंडळात माहिती आणि संस्कृतिकमंत्री तसेच गृहमंत्री म्हणूनही त्यांनी काम पाहिले आहे.
मुख्यमंत्री असताना पश्चिम बंगालमध्ये जास्त प्रमाणात नोकऱ्या याव्यात, यासाठी त्यांनी औद्योगिकीकरण मोहीम सुरू केली.
केंद्र सरकारने त्यांना पद्मभूषण प्रदान केला. मात्र, या पुरस्काराबाबत त्यांना कोणतीही माहिती देण्यात आली नसल्याने त्यांनी हा पुरस्कार नाकारला.
R