Deepak Kulkarni
माजी खासदार आणि मुंबई काँग्रेसचे माजी अध्यक्ष संजय निरुपम यांनी तब्बल वीस वर्षांनी घरवापसी करत आज #शिवसेना पक्षात जाहीर प्रवेश केला.
ठाण्यातील आनंदआश्रम येथे पार पडलेल्या या पक्षप्रवेशावेळी त्यांच्यासह त्यांच्या असंख्य कार्यकर्त्यांनीही शिवसेनेमध्ये जाहीर प्रवेश केला.
मुख्यमंत्री एकनाथ शिंदे यांची भेट घेतल्यानंतर आपण पुढील दोन दिवसांत शिवसेनेत प्रवेश करणार असल्याचे निरुपम यांनी जाहीर केले होते.
शिवसेनेत पक्षप्रवेश केल्यानंतर संजय निरुपम यांच्याकडे मुख्यमंत्री एकनाथ शिंदे यांनी मोठी जबाबदारी सोपवली आहे.
निरुपम हे आता शिवसेनेचे प्रवक्ते तसेच समन्वयक म्हणून काम पाहतील असेही त्यांनी यावेळी स्पष्ट केले.
संजय निरुपम हे काँग्रेसचे माजी खासदार आहेत. त्यांनी काही काळ पत्रकार, संपादक म्हणून काम केले आहे.
1996 मध्ये शिवसेनेने त्यांना राज्यसभेत पाठवलं होतं. ते 1996 ते 2006 पर्यंत राज्यसभेचे खासदार होते. त्यांनी 2005 मध्ये काँग्रेसमध्ये प्रवेश केला. 2009 मध्ये मुंबई उत्तर लोकसभा निवडणुकीत निरुपम विजयी झाले.
मुंबईतील उत्तर-पश्चिम मतदारसंघातून निवडणूक लढण्यासाठी संजय निरुपम आग्रही होते.
ही जागा ठाकरे गटाला मिळाल्याने काँग्रेसवर Congress, काँग्रेस प्रदेशाध्यक्ष नाना पटोलेंवर उघड टीका करत संजय निरुपम यांनी काँग्रेसचा राजीनामा दिला.