Deepak Kulkarni
पुण्यातील ज्येष्ठ समाजवादी विचारवंत, गांधीवादाचे खंदे पुरस्कर्ते व लेखक डॉ. कुमार सप्तर्षी यांचं शनिवारी निधन झाले. ते ८५ वर्षांचे होते.
कुमार सप्तर्षी यांनी सामाजिक आणि राजकीय परिवर्तन घडवून आणण्यासाठी युवकांना मोठ्या प्रमाणात संघटित करून ‘युवक क्रांती दल’ (युक्रांद) या संघटनेची स्थापना केली होती.
त्यांनी या संघटनेच्या माध्यमातून हजारो तरुणांना गांधीवाद,समाजवाद, परिवर्तनवाद, सामाजिक समरसता, लोकशाही मूल्यांची शिकवण दिली.
डॉ. सप्तर्षी हे सामाजिक कार्यकर्तेच नव्हे, तर प्रभावी लेखक, अभ्यासू विचारवंत आणि वक्ते म्हणूनही प्रसिद्ध होते.
महात्मा गांधी, जयप्रकाश नारायण आणि समाजवादी विचारधारेचा प्रभाव त्यांच्या कार्यप्रणालीमध्ये झळकत होता.
समाजातील विषमता, अन्याय, भ्रष्टाचार आणि लोकशाही मूल्यांच्या ऱ्हासाविरोधात त्यांनी सातत्याने आवाज उठवला.
सप्तर्षी यांचा अखेरपर्यंत राजकीय आणि सामाजिक क्षेत्रातील अनेक आंदोलनांमध्ये सक्रिय सहभाग राहिला.
कुमार सप्तर्षी यांनी आणीबाणीच्या काळात तुरुंगवास भोगला होता. यानंतर त्यांनी 9 ऑगस्ट 1977 रोजी चंद्रशेखरजी यांच्या नेतृत्वाखालील जनता पक्षात प्रवेश केला होता. जनता पक्षातर्फे 1978 साली ते अहमदनगरमधून आमदार बनले होते.