सरकारनामा ब्यूरो
महाराष्ट्राच्या राजकारणातील प्रभावी आणि शक्तिशाली नेते अशी ओळख असणारे दिवंगत पतंगराव कदम हे काँग्रेसचे निष्ठावान होते.
राज्याचे सहकारमंत्री आणि वनमंत्री यांसारखी अनेक महत्त्वाची खाती त्यांनी सांभाळली आहेत.
राजकारणातील प्रमुख नेते तर होतेच, मात्र त्यांचं वेगळेपण म्हणजे त्यांनी अनेक मोठ्या अन् दर्जेदार शैक्षणिक संस्थांची स्थापना केली.
अन्य तरुणांप्रमाणेच आयुष्यात काहीतरी सफल करायच्या हेतूने त्यांनीही 1960 मध्ये कराडहून पुण्याकडे धाव घेतली.
कोणतीही पार्श्वभूमी नसताना स्वत:चे उच्च शिक्षण पूर्ण केले आणि 1964 मध्ये पुण्यातील प्रतिष्ठित भारती विद्यापीठाची स्थापना केली.
स्थापना केल्यापैकी भारती डीम्ड युनिव्हर्सिटी एक आहे, जी संपूर्ण देशासहित परदेशातही मोठ्या प्रमाणात व्यापलेली आहे.
पुढच्या पिढीला सक्षम करतील अशा शैक्षणिक संस्थांची स्थापना करून प्रत्येक विद्यार्थ्याच्या मनात आदराचे स्थान निर्माण केले आहे.
कालांतराने बँक, साखर कारखाना, सूतगिरणी यांसारख्या सहकार आणि सामाजिक क्षेत्रात त्यांनी अतुलनीय कामगिरी केली.
सामाजिक व्यतिरिक्त राजकारणातही त्यांनी आपले एक मजबूत साम्राज्य निर्माण केले. आता त्यांचे पुत्र विश्वजित कदम ते सांभाळत आहेत.
R