Jagdish Patil
ज्येष्ठ इतिहास संशोधक आणि शिवचरित्रकार गजानन भास्कर मेहेंदळे (79) यांचं बुधवारी (ता.17) हृदयविकाराच्या झटक्यानं पुण्यात निधन झालं.
त्यांच्या निधनामुळे इतिहास संशोधन क्षेत्रात मोकळी पोकळी निर्माण झाल्याची भावना व्यक्त केली जात आहे.
राज्याचे मुख्यमंत्री देवेंद्र फडणवीस, मनसेचे सर्वेसर्वा राज ठाकरे यांच्यासह अनेक नेत्यांनी त्यांना श्रद्धांजली अर्पण केली.
मेहेंदळे यांनी स्वत:ला मागील 50 वर्षापासून इतिहासाच्या संशोधन कार्यात वाहून घेतलं होतं.
ते शिवचरित्र आणि युद्ध इतिहासाचे गाढे अभ्यासक होते. त्यांनी शिवचरित्रावर मराठीसह इंग्रजीत लिहिलेले ग्रंथ इतिहास क्षेत्रात जगप्रसिद्ध आहेत.
इंग्लिश, फ्रेंच, जर्मन, फारसी आणि मोडी अशा विविध भाषांवर त्यांचे प्रभुत्व होते.
गजानन भास्कर मेहेंदळे असं त्यांचं पूर्ण नाव होतं. तर 19 डिसेंबर 1947 रोजी त्यांचा जन्म झाला होता.
शिवचरित्र आणि मुघलकालीन दस्तऐवज या क्षेत्रातील संशोधनासाठी ते ओळखले जातात. ते पुण्यातील भारत इतिहास संशोधक मंडळाशी संबंधित होते.
शिवरायांचा इतिहास, शिवचरित्र संशोधन या विषयावर त्यांनी सखोल ग्रंथ आणि शोधनिबंध लिहिले. त्यांच्या पुस्तकांचा संदर्भ अनेक इतिहासवर्ग आणि अभ्यासक्रमांमध्ये घेतला जातो.
वयाच्या 24 व्या वर्षी पत्रकार म्हणून त्यांनी बांगलादेशात जाऊन तेथील युद्धजन्य परिस्थितीचा अभ्यास केला होता.
भारत आणि बांगलादेश यांच्यात युद्ध सुरु असताना ते बांगलादेशात होते. त्यांनी अनेक भारतीय लष्करी अधिकाऱ्यांच्या मुलाखती त्यांनी घेतल्या आहेत.