Jagdish Patil
मिरा-भाईंदर विधानसभा मतदारसंघाचे पहिले आमदार गिल्बर्ट जॉन मेंडोसा यांचं काल सोमवारी (ता.18) निधन झालं.
त्यांच्या निधनामुळे मिरा-भाईंदरच्या राजकीय वर्तुळात शोककळा पसरली आहे.
मेंडोसा यांना मिरा भाईंदरमध्ये 'सेठ' म्हणून ओळखलं जायचं. त्यांचा राजकीय प्रवास सरपंच ते आमदार व्हाया नगरपरिषदेचे अध्यक्ष असा राहिला आहे.
1978 मध्ये भाईंदरचे सरपंच म्हणून राजकीय कारकीर्दीची सुरुवात केल्यानंतर त्यांनी 1990 साली मिरा-भाईंदर नगरपरिषदेचे अध्यक्षपद भूषवलं.
त्यानंतर 2009 मध्ये राष्ट्रवादीच्या तिकिटावर निवडून येत मिरा-भाईंदर मतदारसंघाचे पहिले आमदार बनले.
2011 मध्ये मीरा भाईंदरपासून लोकलची सुरुवात व्हावी म्हणून त्यांनी आंदोलन केलं होतं. तर 2014 च्या निवडणुकीत मात्र त्यांचा पराभव झाला.
तर 2016 मध्ये जमीन हडप प्रकरणी त्यांना तुरुंगात जावं लागलं होतं.
2017 साली त्यांनी शिवसेनेत प्रवेश तेला तर शिवसेना फुटीनंतर नुकतंच त्यांनी एकनाथ शिंदेंच्या शिवसेनेत प्रवेश केला होता.
त्यांची पत्नी मिरा-भाईंदर महापालिकेच्या पहिल्या महापौर, तर मुलीने 2012–2017 या काळात महापौरपद भूषवलं आहे. तर त्यांचा मुलगाही नगरसेवक म्हणून कार्यरत होता.