Jagdish Patil
ठाकरेंच्या शिवसेनेचे नेते आणि माजी खासदार विनायक राऊत यांच्या सुनेने त्यांच्याविरोधात गंभीर आरोप केले आहेत.
विनायक राऊत, त्यांचा मुलगा गितेशसह सात जणांविरोधात सुनेच्या तक्रारीवरून गुन्हा दाखल करण्यात आला आहे.
राऊत यांची सून गिरीजा हीने आपले पती गितेश हे तिच्याशी वैवाहिक संबंध ठेवण्यास टाळाटाळ केल्याचा आरोप केला आहे.
याच आरोपांमुळे चर्चेत आलेल्या गितेश विनायक राऊत यांच्या बद्दलची माहिती जाणून घेऊया.
गितेश राऊत हे माजी खासदार विनायक राऊत यांचे सुपूत्र असून सध्या ते ठाकरेंच्या शिवसेनेचे प्रभाग क्र. ८९ चे नगरसेवक आहेत.
गितेश यांचे पालनपोषण मुंबईत झालं असून, त्यांच्यावर वडिलांच्या राजकीय कारकीर्दीचा प्रभाव असल्याचं दिसून येतं.
त्यांनी शिवसेनेच्या स्थानिक राजकारणात काही काळासाठी सक्रीय भूमिका बजावली होती.
तर गितेश यांच्यासह त्यांच्या घरच्यांनी आपला ७ वर्ष छळ करून माझा आणि माझ्या परिवाराचा घात केल्याचा आरोप गिरीजा यांनी केला आहे.
त्या म्हणाल्या, 'डिसेंबर २०१७ ला लग्न झाल्यापासून सप्टेंबर २०१८ पर्यंत आमच्यात काहीही शारीरिक संबंध आले नव्हते.'
'अघोरी कृत्य करताना माझ्या अंगावरून जिवंत कोंबडा उतरवणं, माझे अंगावरचे न धुतलेले वापरलेले कपडे वापरून उतारे करण्याचे प्रकार केले.'
तर हे सर्व फक्त त्यांचा मुलगा शारीरिक संबंध करण्यासाठी असक्षम आहे हे लपवण्यासाठी त्यांनी केल्याचा आरोपही त्यांनी केला.
मात्र, सुनेचे आरोप विनायक राऊतांनी फेटाळून लावले आहेत. गेल्या ३ वर्षांपासून गितेश आणि गिरीजा एकत्र राहत नसल्याचं त्यांनी स्पष्ट केलं आहे.