Rashmi Mane
हरियाणा विधानसभा निवडणुकीसाठी भाजपकडून उमेदवारांची यादी जाहीर होताच भाजपमध्ये मोठा भूकंप झाला आहे.
यादी जाहीर होताच अनेकांनी भाजपला रामराम ठोकला असून विधानसभा निवडणुकीसाठी उमेदवारी यादीवरून पक्षात विरोध सुरू झाला. हरियाणात भाजपला नेत्यांच्या नाराजीला सामोरे जावे लागले आहे.
अनेक दिग्गज नेत्यांनी राजीनामे देत पक्षाला रामराम ठोकला आहे. त्यातच आता काहींनी अपक्ष म्हणून निवडणूक लढविण्याची घोषणा केली आहे.
देशातील सर्वात श्रीमंत महिला सावित्री जिंदाल यांचाही समावेश आहे.
निवडणुकीआधी ७४ वर्षीय सावित्री जिंदाल यांनी भाजप विरोधात बंड करून हरियाणाच्या हिस्सार विधानसभा मतदारसंघातून अपक्ष उमेदवारी अर्ज दाखल केला.
याआधी सावित्री जिंदाल हिसारमधून दोन वेळा आमदार म्हणून निवडून आल्या होत्या. 2005 मध्ये त्या पहिल्यांदा आमदार झाल्या. यानंतर 2009 मध्ये त्या निवडून आल्या. 2013 मध्ये त्या हरियाणाच्या हुडा सरकारमध्ये मंत्री झाल्या होत्या.
सावित्री जिंदाल यांचे दिवंगत पती ओपी जिंदाल हिसार मतदारसंघातून आमदार होते. ते हरियाणा सरकारमध्ये मंत्रीही होते.