Jagdish Patil
HDFC बँकेचे पार्ट टाईम अध्यक्ष अतनु चक्रवर्ती यांनी आपल्या पदाचा अचानक राजीनामा दिला.
त्यांच्या राजीनाम्यामुळे बँकिंग क्षेत्रात मोठी खळबळ उडाली आहे तर बँकेच्या शेअरवर नकारात्मक परिणाम झाला आहे.
चक्रवर्तींनी राजीनाम्याचे कारण बँकेतील कार्यपद्धती आणि प्रचलित काही कार्यप्रणाली असल्याचं म्हटलं आहे.
मागील 2 वर्षांत बँकेतील काही घडामोडी नैतिकतेशी सुसंगत नाहीत म्हणून हा निर्णय घेतल्याचं ते म्हणाले.
अतनु चक्रवर्ती हे गुजरात कॅडरमधील 1985 च्या तुकडीचे निवृत्त IAS अधिकारी आहेत.
एप्रिल 2020 मध्ये, आर्थिक व्यवहार विभागाच्या सचिव पदावरून ते निवृत्त झाले.
चक्रवर्ती यांनी गुंतवणूक आणि सार्वजनिक मालमत्ता व्यवस्थापन विभागाचे सचिव म्हणूनही काम केलंय.
विविध मंत्रालये आणि विभागांमधील आर्थिक धोरण निर्मिती प्रक्रियेत त्यांनी मोठी भूमिका बजावली आहे.
संसदेत केंद्रीय अर्थसंकल्प प्रक्रियेवर देखरेख करण्याची जबाबदारीही त्यांनी पार पाडली आहे.
2002 ते 2007 या काळात त्यांनी अर्थ मंत्रालयात सेवा बजावली होती. सुरुवातीला संचालक त्यानंतर त्यांची सहसचिव पदी नियुक्ती झाली.