सरकारनामा ब्यूरो
हिमाचल प्रदेश केडरच्या सतवंत अटवाल त्रिवेदी या 1996 बॅचच्या IPS अधिकारी आहेत.
हिमाचलमधील बिलासपूरच्या असलेल्या सतवंत अटवाल त्रिवेदी यांनी अनेक उल्लेखनीय कार्ये केली आहेत.
शिमला येथील सेंट बेडे कॉलेज आणि ऑकलंड हाऊस स्कूलमधून त्यांनी शिक्षण पूर्ण केले.
त्रिवेदी या हिमाचल प्रदेशच्या पहिल्या महिला IPS अधिकारी आहेत.
26 वर्षांपासून अधिकारी पदावर त्या कार्यरत आहेत.
विशिष्ट सेवेसाठी त्यांना राष्ट्रपती पोलिस पदक प्रदान करण्यात आले.
केवळ हिमाचल प्रदेशच्या नाही तर सीमा सुरक्षा दल आणि राष्ट्रीय तपास संस्थांमध्येही त्या पहिल्या महिला अधिकारी राहिल्या.
सध्या हिमाचल प्रदेशच्या दक्षता आणि लाचलुचपत प्रतिबंधक ब्युरोच्या अतिरिक्त पोलिस महासंचालक पदावर त्या कार्यरत आहेत.