Rajanand More
हरियाणातील पोलीस महानिरीक्षक वाय. पूरन कुमार यांनी राहत्या घरी आत्महत्या केल्याने खळबळ उडाली आहे. सुसाईड नोटमध्ये त्यांनी अनेक वरिष्ठ अधिकाऱ्यांची नावे घेत त्यांच्यावर गंभीर आरोप केलेत.
अमनीत पी. कुमार या सध्या हरियाणामध्ये अतिरिक्त मुख्य सचिव म्हणून कार्यरत आहेत. आत्महत्या केलेले वाय. पूरन कुमार हे त्यांचे पती होते. त्यांना दोन मुली आहेत.
पूरन कुमार यांनी आत्महत्या केली त्यावेळी अमनीत कुमार या मुख्यमंत्र्यांसोबत जपान दौऱ्यावर होत्या. पूरन यांनी त्यांना सुसाईड नोट आणि मृत्यूपत्र पाठविले होते.
जपानहून परतताच अमनीत यांनी पतीला न्याय मिळवून देण्यासाठी पोस्टमार्टेमबाबत पहिला मोठा निर्णय घेतला. याबाबत त्यांनी मुख्यमंत्र्यांनाही पत्र लिहिले.
पूरन यांनी सुसाईड नोटमध्ये उल्लेख केलेल्या सर्व अधिकाऱ्यांवर गुन्हे दाखल करून त्यांना अटक करण्याची मागणी अमनीत यांनी मागणी केली. संबंधितांची पोलिसांत तक्रार केली.
अमनीत यांच्या तक्रारीवरून अधिकाऱ्यांवर गुन्हा दाखल करण्यात आला. पण त्यातील दोष त्यांनी लगेच निर्दशनास आणून देत सुधारणा करण्याची पुन्हा मागणी केली.
संबंधितांवर अट्रोसिटी कायद्यांतर्गत गुन्हा दाखल करण्यात आला आहे. पण पोलिसांनी योग्य कलम लावला नसल्याची अमनीत यांची तक्रार आहे. हे कलम वाढविण्याची मागणी केली आहे.
अमनीत यांनी आपल्या दोन्ही मुली आणि कुटुंबाला सुरक्षा पुरविण्याची मागणी त्यांनी केली होती. त्यानुसार त्यांना 24 तास सुरक्षा देण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.