Rajanand More
एसटी महामंडळाने प्रवाशांच्या सोयीसाठी आणि ई-बस सेवेला अधिक प्रतिसाद मिळवण्यासाठी एक महत्त्वपूर्ण निर्णय घेतला आहे.
ताफ्यात ई-बस प्रकल्पातील 448 बस आणि शिवाई प्रकल्पातील 50 ई-बसेस कार्यरत आहेत. भविष्यात या बसेसची संख्या आणखी वाढणार आहे.
राज्यातील ई-बस प्रवाशांना मासिक व त्रैमासिक पास सवलत योजना उपलब्ध होणार आहे. नोकरी व व्यवसायाच्या निमित्ताने दररोज एकाच मार्गावर प्रवास करणाऱ्या नियमित प्रवाशांना फायदा.
एसटीच्या 9 मीटर ई-बस, 12 मीटर ई-बस आणि ई-शिवाई सेवेमध्ये हे पासेस उपलब्ध असतील. यातून ई-शिवनेरी बससेवा वगळली आहे.
मासिक पास योजनेअंतर्गत 20 दिवसांच्या परतीच्या प्रवासाचे भाडे आकारून 30 दिवसांसाठी पास दिला जाईल.
या योजनेत 60 दिवसांच्या परतीच्या प्रवासाचे भाडे आकारून 90 दिवसांचा पास उपलब्ध होईल. त्यामुळे प्रवाशांना अतिरिक्त 30 दिवसांचा प्रवास मोफत करता येईल.
उच्च सेवा वर्गाचा पास (ई-बस) वापरून प्रवासी निमआराम किंवा साध्या बसमध्येही प्रवास करू शकतील, असेही एसटी महामंडळाकडून सांगण्यात आले.
निमआराम किंवा साध्या बसच्या पासधारकांना ई-बसने प्रवास करायचा असल्यास, दोन्ही सेवांतील भाड्यातील फरक 100% दराने भरून तिकीट घेऊन प्रवास करता येईल.