Rashmi Mane
2024 बॅचची आयएएस अधिकारी रूपल राणा या सोशल मीडियावर खूप सक्रिय असतात.
त्यांचे इंस्टाग्रामवर हजारो फॉलोअर्स आहेत. त्या वेळोवेळी आपले फोटो शेअर करतात आणि चाहत्यांकडून त्यांना भरभरून प्रतिसाद मिळतो.
रूपल राणा या मूळच्या उत्तर प्रदेशातील बागपत जिल्ह्यातील आहेत. त्यांचे बालपण बडौत येथे गेले. त्यांनी प्राथमिक शिक्षण जेपी पब्लिक स्कूल, बडौत इथून घेतले.
रूपल पिलानी येथील बिरला इन्स्टिट्यूट ऑफ टेक्नॉलॉजी अँड सायन्समध्ये दाखल झाल्या. त्यांनी इथे अकरावी आणि बारावी पूर्ण केली.
बारावीनंतर त्यांनी दिल्ली विद्यापीठातील देशबंधु कॉलेजमधून बी.एस्सी. पदवी मिळवली. शिक्षण पूर्ण झाल्यानंतर रूपल यांनी यूपीएससीची तयारी सुरू केली.
कठोर परिश्रम आणि सातत्यामुळे त्यांनी तिसऱ्या प्रयत्नात यश मिळवले. 2023 च्या यूपीएससी सिव्हिल सर्व्हिसेस परीक्षेत त्यांना ऑल इंडिया 26वा क्रमांक मिळाला.
रूपल यांचे यश हे मेहनत, चिकाटी आणि शिस्त यांचे उत्तम उदाहरण आहे. त्यांनी स्वप्न मोठे ठेवले आणि ते पूर्ण करण्यासाठी कष्ट घेतले. अनेक तरुणांसाठी त्यांचा हा प्रवास प्रेरणा देणारा आहे.