Aslam Shanedivan
काहीच दिवसांच्या आधी उत्तर प्रदेश केडरच्या माजी IAS दिव्या मित्तल यांनी प्रशासकीय सेवेतून निवृत्त जाहीर केली.
मित्तल यांनी राजकारणात प्रवेश करणार असल्याची घोषणा केली. काँग्रेससह आप आणि काही मोठ्या राजकीय पक्षांनी ऑफर दिली आहे.
दरम्यान दिव्या मित्तल या असे करणाऱ्या एकट्याच IAS नसून त्यांच्याही आधी अनेकांनी आपल्या नोकऱ्या सोडत राजकारणात प्रवेश केला आहे.
दिल्लीचे माजी मुख्यमंत्री अरविंद केजरीवाल भारतीय प्रशासकीय सेवेत नव्हते, परंतु त्यांनी महसूल सेवेत अधिकारी म्हणून काम केले आहे.
यूपी केडरचे २०१३ बॅचचे IAS डॉ. राकेश वर्मा यांनी स्वेच्छानिवृत्ती घेत काँग्रेसमध्ये प्रवेश केला होता.
२०११ बॅचचे IAS अभिषेक सिंह यांनी आपल्या पदाचा राजीनामा देत भाजपच्या तिकीटावर लोकसभा निवडणूक लढवण्याची घोषणा केली होती. पण तसे झाले नाही.
यूपी केडरचे १९८४ बॅचचे IAS आरसीपी सिंह यांनी देखील व्हीआरएस घेऊन राजकारणात प्रवेश केला होता. जेडीयूने त्यांना राज्यसभेवर पाठवले होते.
१९७१ च्या बॅचचे IAS पुनिया यांनी २००५ मध्ये सेवानिवृत्तीनंतर काँग्रेसमध्ये प्रवेश केला होता. पुनिया यांच्याप्रमाणेच IAS अजित जोगी यांनी देखील काँग्रेसचा हाथ पकडला होता.
१९६० च्या बॅचचे IAS यशवंत सिन्हा यांनी देखील राजकारणात येण्यासाठी नोकरीचा राजीनामा देत जनता पक्षात प्रवेश केला होता. ते राज्यसभेत पोहोचले होते