Rashmi Mane
'आयएएस संस्कृती जैन' हे नाव आज संपूर्ण देशभर चर्चेत आहे. त्यांच्या निरोप समारंभाचा व्हिडिओ सोशल मीडियावर प्रचंड व्हायरल झाला आहे.
या व्हिडिओमध्ये अधिकारी व कर्मचारी यांनी त्यांना पालखीत बसवून निरोप दिला आहे.
2015 च्या बॅचमधील आयएएस अधिकारी असलेल्या संस्कृती जैन यांची नुकतीच भोपाल महानगरपालिकेच्या आयुक्तपदी नियुक्ती झाली आहे.
त्यापूर्वी त्या मध्य प्रदेश मधील सिवनी जिल्ह्याच्या जिल्हाधिकारी होत्या. आपल्या कार्यकाळात त्यांनी ‘लाडली बहीण योजना’ अटल पेन्शन योजनेशी जोडली. त्यावर मध्य प्रदेशचे सीएम ही त्यांच्यावर खूश झाले होते.
4 फेब्रुवारी 1989 रोजी श्रीनगर येथे जन्मलेल्या संस्कृती जैन यांनी शिक्षणासाठी देशातील विविध राज्यांचा प्रवास केला. गोव्यातून त्यांनी पदवी शिक्षण पूर्ण केले तर उच्च शिक्षणासाठी त्यांनी LAMP फेलोशिप घेतली.
त्यांचे वडील भारतीय वायुसेनेत फायटर पायलट तर आई मेडिकल विभागात कार्यरत होत्या. त्यामुळे घरात शिस्त, सेवाभाव आणि मेहनतीचे संस्कार संस्कृतींना बालपणापासूनच मिळाले.
IAS संस्कृती जैन यांनी आपल्या कारकिर्दीत अनेक महत्त्वाच्या पदांवर काम केले असून त्यांच्या कार्यपद्धतीमुळेच त्यांना 'लोकाभिमुख अधिकारी' म्हणून ओळख मिळाली आहे.