सरकारनामा ब्यूरो
केंद्रात संयुक्त सचिव पदावर IAS अधिकारी विनोद कुमार सुमन यांची नियुक्ती करण्यात आली आहे.
उत्तराखंड राज्याच्या स्थापनेनंतर विनोद कुमार सुमन हे पहिले IAS अधिकारी आहेत ज्यांची, (पीसीएस पदावरुन आयएएस) केंद्रसरकारमध्ये बढती मिळाली आहे.
याआधी त्यांनी वित्त सचिव, प्रभारी नगरविकास सचिव, सहकार सचिव, कृषी सचिव, पशुसंवर्धन सचिव या पदांचा कार्यभार सांभळला आहे.
राज्याच्या स्थापनेपासून ते नगरविकासात सर्वाधिक कालावधीसाठी संचालक पदावर त्यांनी काम केले. राजधानी देहरादूनमध्ये बऱ्याच वर्ष शहर दंडाधिकारी आणि अतिरिक्त जिल्हा दंडाधिकारी म्हणून कार्यभार सांभळला आहे.
उत्तर प्रदेशातील भदोही येथील राहणारे विनोद कुमारांचे प्राथमिक शिक्षण याच गावातून झाले. पदवीच्या शिक्षणासाठी त्यांनी श्रीनगरला पसंती दिली.
अलाहाबाद विद्यापीठातून प्राचीन इतिहासात एमए केल्यानंतर त्यांनी UPSC परीक्षेची तयारी सुरु केली. यांचदरम्यान त्यांची अकाउंटंट जनरल ऑफिसमध्ये अकाउंटंट म्हणून निवड करण्यात आली. तरीही त्यांनी परीक्षेची तयारी सुरु ठेवली.
परीक्षा उत्तीर्ण झाल्यानंतर 1997ला त्यांची निवड PCS साठी करण्यात आली. 2007 मध्ये त्यांना आयएएस केडर मिळाले. उत्तराखंडच्या निर्मितीनंतर त्यांनी या राज्यात जाणे पसंत केले.