सरकारनामा ब्यूरो
देशाच्या राष्ट्रपती आणि पंतप्रधानांची सुरक्षा ही एक मोठी जबाबदारी आहे. आणि ही जबाबदारी पार पाडणे प्रत्येक देशासाठी खूप म्हत्त्वाचे असते.
देशात सुरक्षा एजन्सी NSG, ITBP आणि CRPF प्रमाणे SPG ही सुद्धा एक सुरक्षा एजन्सी आहे. देशाच्या महत्त्वाच्या पदांवर असलेल्या सुरक्षा व्यक्तींना त्यांच्या मार्फत सुरक्षा देण्याचे काम करण्यात येते.
पंतप्रधानांच्या सुरक्षतेची जबाबदारी ही एसपीजीकडे (Special Protection Group) असून, पंतप्रधानांच्या सुरक्षततेमध्ये कोणतेही चूक झाल्यास त्यासाठी एसपीजी जबाबदार असतात.
1981च्या आधी भारताच्या पंतप्रधानांच्या निवासस्थानाच्या सुरक्षेची जबाबदारी दिल्ली पोलिसांच्या पोलिस उपायुक्तांना दिली होती. यानंतर सुरक्षेसाठी स्पेशल टास्क फोर्स (एसटीएफ)ची स्थापना करण्यात आली.
1984 मध्ये माजी पंतप्रधान इंदिरा गांधी यांच्या हत्येनंतर, 1985 मध्ये एक विशेष युनिटची (एसपीजी) स्थापन करण्यात आली.
एसपीजी कमांडो पंतप्रधानांना चार थरांचे संरक्षण देत असतात. त्याच्याकडे स्वयंचलित बंदूक आणि एक पिस्तूल देखील असते. त्यांना फिजिकल, शूटिंग, वॉर, प्रॉक्सिमिटी प्रोटेक्शन (क्लोज सिक्युरिटी स्ट्रॅटेजी) चे विशेष प्रशिक्षण दिले जाते.
पाकिस्तानमध्ये पंतप्रधानांच्या सुरक्षेसाठी एसएसजी कमांडो आहेत. येथील एसएसजीची तुलना अनेकदा भारताच्या पॅरा-एसएफशी केली जाते.
एसएसजी बद्दल सांगायचे झाले तर, ते पाकिस्तानी सैन्यातील एक विशेष ऑपरेशन युनिट आहे. या युनिटला ब्लॅक स्टॉर्क्स आणि मरून बेरेट्स असेही म्हणतात.
अहवालांनुसार, एसएसजीची तुलना अमेरिकन आर्मी स्पेशल फोर्सेस आणि ब्रिटिश आर्मीच्या एसएफएसजीशी केली जाते. हे सैन्य शस्त्राशिवायही लढण्यात एक्सपर्ट आहेत.