सरकारनामा ब्यूरो
मराठमोळ्या काँग्रेस नेत्या रजनी पाटील या मूळच्या सांगली येथील बहिरवड गावच्या आहेत.
स्वातंत्र्यसेनानी आत्माराम पाटील यांच्या त्या कन्या आणि महाराष्ट्राचे माजी मंत्री अशोक पाटील यांच्या त्या पत्नी आहेत.
विद्यार्थीदशेत त्या काँग्रेसची विद्यार्थी संघटना एनएसयूआयच्या सक्रिय कार्यकर्त्या होत्या. त्यावेळी त्यांनी पुणे विद्यापीठ सिनेट निवडणूक जिंकली होती.
काँग्रेसच्या दिल्लीतील हायकमांडच्या त्या निकटवर्तीय आहेत. सोनिया गांधींच्या विश्वासू म्हणून त्यांची ओळख आहे.
दिल्लीच्या राजकारणातील तडफदार मराठमोळ्या रजनी पाटील या राज्यसभा खासदार आहेत.
भाजपमधून बीड जिल्हा परिषदेच्या सदस्यपदी निवडणुकीनंतर त्यांनी पुन्हा काँग्रेस पक्षात प्रवेश केला.
त्यांनी खादी ग्रामोद्योग बोर्डाचे जिल्हाध्यक्ष पद, केंद्रीय समाजकल्याण बोर्डाचे अध्यक्षपद, काँग्रेसच्या महिला प्रदेशाध्यक्ष, महिला आर्थिक विकास महामंडळाच्या अध्यक्ष, राज्य सहकारी बँकेचे संचालकपद त्यांनी भूषवले आहे.
रजनी पाटील यांना उत्कृष्ट संसदपटू पुरस्कार मिळाला आहे.