Rashmi Mane
भारतीय रेल्वे प्रवास अधिक सोपा आणि सोयीस्कर बनवण्यासाठी सतत नवीन नियम आणत आहे.
यात तिकीट बुकिंग प्रणालीत बदल करून फसवणूक रोखणे आणि प्रवाशांची सुविधा वाढवणे या दोन्ही बाबींचा समावेश आहे.
रेल्वेने आता कंफर्म तिकिटावर प्रवास करु न शकल्यास फक्त रद्द करण्याचा पर्याय नव्हे, तर तिकिटाची तारीख बदलण्याची सुविधाही सुरू केली आहे.
नवीन नियमांनुसार, प्रवासी आता आपल्या कंफर्म तिकिटाची यात्रा तारीख ऑनलाइन बदलू शकतील. ही सुविधा सुरुवातीला जानेवारी 2026 पासून लागू होईल.
याआधी प्रवाश्यांना तिकिट रद्द करावे लागायचे, ज्यावर एसी फर्स्ट क्लास तिकिट रद्द केल्यास 240 रुपये + जीएसटी, एसी 2 टियर 200 रुपये + जीएसटी, एसी 3 टियर 180 रुपये + जीएसटी आणि स्लीपर क्लास 120 रुपये शुल्क भरावे लागायचे.
आता तिकिटाची तारीख बदलताना कोणताही कॅन्सलशन फी लागू होणार नाही, त्यामुळे प्रवाशांची बचत होणार आहे.
तिकिटाची तारीख बदलल्यास प्रवाश्यांना कॅन्सलशन फी' वाचेल. परंतु, नव्या तारीखेला सीट उपलब्ध नसेल तर तिकिट वेटिंगमध्ये जाईल. तसेच, जर नवीन तिकिटाच्या दरामध्ये फरक असेल, तर अधिक असल्यास प्रवाश्याला भरावे लागेल आणि कमी असल्यास रिफंड केले जाईल. रिफंड थेट प्रवाश्याच्या खात्यात जमा केला जाईल.